Linguistically Speaking

machi! ha mi no nid agmäudet, machi de morn weni wach bi. bi no am gsuech schribe und züg drfür kopiere (mues d arächnig vo mine neueburger studieleistige dürs ds und es belege - dr bitterli het mir eifach au die schiine unterschribe...)

chly chaotisch aus zur zit, bi am 'sprache und geschlecht'-überblick läse und ha einiges zum diskutiere (bzw. zum überlege und verzeue), mues aber ou bis morn warte...

Cool! Han scho min Aameldetermin übercho:

Freitag, 13. Januar 2006, 15.30 Uhr

viellicht chasch das ja vermerke? (schriib der na es mail)

Hey!
Hanene jetzt es mail gschriebe (kompliziert, lang, frustriert), hoffe das klappet jetzt!
Froi mi uf d Sprach&Gschlecht-Diskussion - ha bis jetzt zwar na gar kei Linguistik glese!
Defür bini jetzt dure mit de Romantik und ha mit Victorianism agfange - finds mega cool so 'periodewiis' z läse, da gseht mer plötzlich Parallele und so viel dütlicher!
Liebs Grüessli & en guete Start id Wuche!

ja, mega närvig. hoffe das löst sech gly!
mache nach dr dt-ling ou mau e literaturphase, fröi mi scho druf! ha immer am mo die überblicksvorläsig über englischi lit bis 1800, macht mi immer u glustig.
mir hei letscht wuche shakespeare in love wider mau gluegt - isch mir no nie ufgfaue, das dört ou dr john webster vorchunnt (aus böse bueb mit ratte, wo viu fröid a gwaut het. das si ja schöni ussichte für d 'duchess of malfi'...)

Ja, mir sind das damals im Gymi go luege, und mini Lehrerin hät ois druf ufmerksam gmacht (bsunders uf's liking for violence - natürli hani erst jetzt würklich en Begriff devo wer de Webster, oder au de Marlowe, gsi isch) Has au mit ganz andere Auge namal gseh - spannend!

D Antwort uf mis mail isch sehr churzabunde gsi - "es liegt an Ihnen, die Angelegenheit richtig zu organisieren, d.h. die beiden verteilten Anmeldetermine können wir leider nicht verschieben". Naja...(frust).
Sorry! Han denn zrugg gschriebe, idemfall chömisch du eifach a beide Termine, hoffe das isch ok (für dich und sie)...

Na welle säge - das mit de Literaturvorlesig isch sicher u cool - mir fählt de 'Motivationsimput' chli...